ازاي تلفت انتباه حبيبتك ؟؟؟

عايز تلفت انتباه حبيبتك ؟؟؟

اتبع الأتي :_


1) لازم أول حاجة تعمل نفسك ولد هاي و بتاع مامي و بابي بناكل

فراخ بانيه يوماتي

مش بتاع الراجل اللي مرمي في البيت ده و أول ما تشوفه لما ترجع وش الفجر

بعد الصرمحة في الشارع مع أصحابك و تقولوا : أنا شوفتك فين قبل كدة ؟

و مش بتاع الست اللي في البيت اللي بتضحك عليها و هي بتشرب القهوة

ساعت العصرية و تاخد كل اللي في جيبها و تخلع ههههه

لأ

خليك كدة ولد هاي ( عايزك تنسي أيام شبرا ديه خاااااااااااالص )

و لو ماشي مثلاً معاها في الشارع و الدنيا بتمطر عايزك تقول

يااااااااااااااااااااااااااااااااي

هدومي هتتوسخ و الكواتشي هيطين

و طبعاً الحبيبة ديه متعرفش أن الجزمة ديه هي المنوم بتاعك بتاع كل يوم

يعني تقول يااااااااااااااااي الطينة هتوسخني مش أول ما تشوفها ترفع الجلابية

و تغرق و تستحمي فيها

( انسي الترع دلوقتي أبوس ايدك )

و يوم الجمعة خدها علي ماكدونالدز كدة أو مؤمن أو كنتاكي أو أي مطعم

محترم كدة من دول

( مش تروح تقولها يالا ابسطي يا ستي و زيطي رضيت عنك و هجيبلك

ربع كيلو كفتة من زيزو نتانة اللي تحتينا )

( و تقول بينك و بين نفسك بالسم الهاري يا بعيدة )

خليتلني أصرف 5 جنيه عشان اجيبلك الكفتة



و عايزك تشوف برضه هي هواياتها ايه ؟

يعني مثلاً لو بتحب الكووورة خدها الأستاد

و فرجها علي ماتش للأهلي مثلاً و هو بيكسب الزمالك 12/2

( لا مؤاخذة يا زملكاوية )

تفرحلها حبة بقه البنية

و تقولها كمان كلام غزل

حاكم أنت نقطة ضعف المرأة في ودانها

و مثلاً لو أنت ضعيف ملة

علي الأخر يعني

و كنت من النوع اللي لو كح هيتمرمغ علي الأرض

لازم تثبت نفسك قدامها

البنت تحب الراجل اللي يحميها و يصونها

فأنت لازم تأجرلك شوية كدة من العيال أصحابك اللي بتتصرمح معاهم كل يوم

و تقولهم يقابلوك في حتة هتكون ماشي فيها مع خطيبتك

و يتقولهم يحاولوا يعتدوا عليك

و يسيبوك تضربهم عشان تبان قدام البنية بات مان و فتي الأحلام

و أنت في الحقيقة متساويش جيري

بس بقولك ايه

أدفعلهم كدة شوية

فلوس كتير يعني متبخلش عليهم دول عشان خاطر البنية

عشان لو أديتهم فلوس قليلة هيضربوا عصفورين بحجر

1.
هياخدوا الفلوس ليهم
2.
هيطلعوا معاك أندال يا معلمي و هيضربوك قدام حبيبتك ههههههههه



و عايزك تحكيلها عن نفسك شوية شوية و تقولها أني بنام علي الساعة

9 بليل كدة و لو أتأخرت عن كدة يبقي بسبب 3 حاجات

1.
تقولها يا أما كنت خارج معاكي بفسحك
2.
يا أما كنت بكلمك في التليفون
3.
يا أما كنت بفكر فيكي طول الليل



ووحياة والدك تفتكر و تركز علي النقطة التالتة ديه كويس أوي

عشان ديه اللي هطب كل حاجة في بعضها و هتوقع قلبها فيك يا معلمي

و هتبص تلاقي هوووب جت الخطوبة

و بعدين هووووب تلاقي الجواز جه

و بعدين هوووووووووب



تلاقيها اكتشفت عنك كل حاجة يا معلم و الطوبة جت في المعطوبة



سلامووووووووووووووز أنا بقه يا جماعة قبل ما حد يضربني

ههههههههههههههه

هههههههههههههههه
فعلا البنت دى تبقى غلبانه خالص اكيد هتكتشف قبل الجواز كل
ده
بس بجد معلومات مفيده للراجل بس ياريت مايعملوش بيها

ومرسى على التوبيك الجاااامد يا ابو حميييد

مرسي يا ايناس علي الرد الجميل ....

هههههههههه لا موضوع جامد يسلم اديك يا احمد

ههههههههههههه
هو دا الشغل الجد
تسلم ايدك يا احمد

شكــــرا أوي علي الردود الجميله دي .. أهم حاجه ان الموضوع عجبكم ومشكور لكل الرود

لم يعجبنى الموضوع لان الواد الى بتاع باباه وماماه مش راجل ولسه بياخد المصروف
وبكده مش يبئا راجل
لان المفروض البنت تعرف انك راجل وليك كلمه
تقبل مرورى