أضغاث أحلام ،،،،،،

أضغاث أحلام

حلم لم احلم به ..
رأيت في المنام .. خير اللهم اجعله خير ..
إنني اجلس في حديقة بيتي الواسعة -مع العلم أن بيتي ليس به حديقة- وإنني أقرأ في جريدة : القاهرة بوست

ولمحت عيني بعض المانشيتات الغريبة منها :

سيادة الرئيس يقوم اليوم بتفقد أخر أحوال رغيف العيش
الجيش العراقي يقيم حظر تجول في كل من ولايتي نيويورك وواشنطن
المملكة العربية السعودية تعلن وقف إمداد الإتحاد الأوروبي بالنفط لحاجة الشعب العربي إليه
الأسطول العربي في المحيط الأطلنطي يبدأ بضرب كندا لتسريبها إرهابيين عبر حدودها لأمريكا
ارتفاع سعر العملة العربية الموحدة إلى ما يعادل 53 دولار و 652 ين يابانى !!
محاكمة احد مسؤلى البيت الأبيض بتهمة الإرهاب


طبعا ضحكت وقلت في نفسي ... " الأخطاء المطبعية بقت كتيرة أوى اليومين دول " .. ورميت الجريدة ثم دخلت للبيت وأنا اضحك .. فقابلتني أمي ثم قالت : " بتضحك على إيه ؟؟؟"
قلت : لا .. مافيش , بس الظاهر إني غلطت لما اهتميت بقراءة الأخبار .. أمال أخويا فين؟؟
قالت أمي : راح الشغل ..
- شغل ؟؟ !! ... شغل إيه ؟؟ ....
قالت : راح المدرسة بتاعته ..
- مدرسة إيه ياما .. هو صحيح خريج تربية بس .. قصدك القهوة بقى ؟؟
قالت : يابنى باقولك راح مدرسته اللي الحكومة عينته فيها ... الله !! مالك النهارده
قلت وأنا ابتعد عنها : ههههههه .. حكومة .. عينته ... ههههههههه ... والله يا أمي انتي عليكى نكت جديدة لانج .....
ودخلت حجرتي وفوجئت بان إفطاري موضوع على المنضدة - طبعا لم أفاجأ بكونه مجهز - ولكن فوجئت أن جوار إفطاري - عيش - .. ويعلم المصريون مدى تحول الرغيف إلى عملة صعبه في هذه الأيام .. فناديت أمي وقلت لها : مين اللي راح جاب العيش ده النهارده .. يعنى مين اللي فيه صحة يقف ويتخانق في الطابور ...
ضحكت أمي ضحكة أحسست بعدها أنى مغفل .. ثم قالت : عيش إيه يابنى اللي هانروح نجيبه .. دي العربية اللي جابته النهارده الصبح .. أنت مالك كده ؟؟
قلت في نفسي : عربية ... هو كمان العيش بقى دليفرى ؟؟ ..
ثم استدرت وفتحت التلفاز فأصابني الجنون .. ظللت لأكثر من ساعة أتنقل بين القنوات المحلية والعربية وجميع الفضائيات فلم أر مشهدا واحدا خليعا .. فمعظم الأفلام تحكى عن قصص غريبة سياقها إن العرب توحدوا ... وأنهم انتصروا على أمريكا .. وان إسرائيل أصبحت جرذ المنطقة ... حتى الأغاني كلها وطنية .....
أغلقت التلفاز وهرعت إلى الخارج فلفت انتباهي نتيجة الحائط .. لم اصدق عيني فقد كان التاريخ مكتوبا هكذا 14 من رجب عام 2423 هـ , 26 يناير 2995 م ...
وبدون شعور صرخت قائلا ... لااااااااااااااااااااااااااا ...
فوجدت أخي- - يمسك بى ويقول : اصحي ياد .. مالك .. قوم يا مصطفى
ففتحت عيني وأدركت أنه كان حلما ... فقام أخي من على السرير وهو يقول : قوم ياللا عشان تروح تجيب العيش .. فقلت له : معاك أي جرايد فقال : ايوة ... وأعطاني جريدة الأهرام فتجولت صفحاتها فوجدت المانشيتات صارخة :

استشهاد 380 فلسطيني في مجزرة جديدة
إعدام الرئيس صدام حسين
الرئيس يزور اليوم الولايات المتحدة لبحث تأخر المعونة الأمريكية

فقلت بدون شعور .. الحمد لله " لسه الدنيا بخير"

:::::::::::::::::::::::::::Thanks all::::::::::::::::
:

lol: MR.Mostafa Mar3ie

Nice Topic :MR.Mostafa Mar3ie
This Is Realy Good Topic
Tnx For U
Ur Light Here

مرسي يا درش علي الموضوع

حلو اوووووووووى التوبيك ده
بس فعلا ياريت يتحقق الحلم ده ليه لا

ايه اللي ليه لا يا ايناس انت فعلا بتحلمي
مشكوور يا درش على التوبيك الجامد ده

طيب يا استاذ متفأل انت
ليه الواحد ميتفألش مش يمكن جزء من الحلم
يتحقق ولا لازم نكتئب ونقول لا مش هيتحقق
خالى عندك ايمان وصبر وطووووووووووووووووله
بااااااااااااااااااااااااااااااااااااااااال

البلد دي مخلتش عندنا ولا صبر ولا طولة بال