مسابقة اليوم / من أغانى الشاعرة إليسا أبو ماضى ، أجب عن الاسئلة لو شاطر ..........

من قصيدة (أواخــر الـشـتــا) للشاعرة/ إليسا أبو ماضى

كنا فى أواخر الشتا قبل اللى فـــــــــات زى اليومين دول عشنا مع بعض حكايـات
أنا كنت لما أحب أتونس معـــــــــــــــــاه أنا كنت باخد بعضى واروح له من سكات

أجب عن الأسئلة التالية
1-علام يدل التعبير بصيغة الماضى؟ ولماذا اختصت الشاعرة الشتا قبل اللى فات؟
2-فى أى فصل من فصول السنة كتبت هذه القصيدة (مستدلا على ما تقول) ؟
3-أيهما أفضل (أنا كنت باخد بعضى) أم (أنا كنت باخد تاكسى)؟ ولماذا؟
4-اختر الإجابة الصحيحة مما بين القوسين:
)زى اليومين) مجاز مرسل علاقته: (الكلية - المدرسة – الحضانة(

والناس فى عز البرد يجرو ويستـــــــخبو وأنا كنت باجرى وأخبى نفسى قوام فى قلبه
ولحد لما الليل يليل بابقى جنبــــــــــــــه وأفضل فى عز البرد وياه بالساعــــــــــــــــات

أجب عن الأسئلة التالية:
1- هات من الأبيات مضاد (النهار), وكلمة تؤدى معنى (معاه)
2- يرى بعض النقاد أن تكرار (فى عز البرد) أضعف المعنى. وضح ذلك مبينًا رأيك.
3- إلى أى مدرسة شعرية تنتمى الشاعرة؟ وما أهم سماتها؟ (بدون غلط(
4- هل ترى أن هناك علاقة بين (عز البرد) و (عز الدخيلة)؟ أم أنه تشابه أسماء؟!

على سهوة ليه الدنيا بعد ماعشمتنـــــــا وعيشتنـــتــا شوية رجعت موتتنــــــــــــا
والدنيــــــــا من يوميها ياقلبى عودتنـــــــا لمــــــــا بتدى حاجات قوام تاخد حاجــات

أجب عن الأسئلة التالية:
1- (عيشتنا - موتتنا) تفيد: (التضاد - التأكيد - الحيرة فى اتخاذ القرار فى السقعة)
كلمة تؤدى معنى (شوية): (بعضشى - حفان - قيمة مقطف)
المقصود بـ (يوميها) فى الأبيات: (يوم العاركة - يوم الخناقة - يوم الكرامة)
2- أيهما أفضل (ياقلبى) أم )يانضرى)؟ ولماذا؟
3- يتضح فى الأبيات أن (الدنيا ملهاش أمان .. خالص). وضح ذلك مستدلا على ما تقول
4- استخرج من الأبيات مايدل على:
عشمنى بالمحبة وشعلقنى بالهوا، حايلته حبة حبة زودها واتلوى.
زألطنى الحب زألوط، نمت فى بنها صحيت فى أسيوط.
وسط الشوارع ناس كتيرة مروحيــــــــن والناس ياقلبى هما هما وهــــــــــو فيــن
وأنا ماشية باتلفت وباسأل كل يـــــــــوم بيعمل إيه دلوقتى وبيحلــــــــــــم بميـــــن

أجب عن الأسئلة التالية:
1- يتضح فى الأبيات الشوق اللهفة وتطلع الشاعرة لرؤية (اسم النبى حارسه). اشرح
2- يؤخذ على الشاعرة (وأنا ماشية باتلفت). وضح ذلك مبينًا مدى التعارض مع قواعد المرور
3- فى الأبيات لوحة فنية رائعة للناس اللى مروحين والمطرة اللى خلصت وبعد ما الخناقة انفضت قام شريف الظالم أفكار يا أفكار فين راحت أفكار؟! رد ابنه عليه ومنين ارتاحت أفكار ما انت السبب السبب يابا فرقت بين حبيبين آه يابا آه يابا على قلبك فرقت بين حبيبين أفكار كانت راحة ابنك وابنك كانت راحة أفكار. نسيت كنت عايز أسأل فى إيه
4- لماذا غضبت أفكار وتركت البيت؟ ولمَ كثر عتاب الابن لأبيه؟
5- ((...................)) حُذف من قِبَل الرقابة .[/size][/size]

[b]مستنى ردودكم الجميلة ياجماعة ويارب الموضوع يعجبكم [[code] مسابقة اليوم / من أغانى الشاعرة إليسا أبو ماضى ، أجب عن الاسئلة لو شاطر .......... 3502

تفتكر يادرش ممكن الاسئله دى تيجى فى الامتحانات
والله انا شايف انها مش بعيده لان دلوئتى احنا فى عصر السبهلله
تسلم ايدك على الموضوع

القلب الضائع كتب:: تفتكر يادرش ممكن الاسئله دى تيجى فى الامتحانات
والله انا شايف انها مش بعيده لان دلوئتى احنا فى عصر السبهلله
تسلم ايدك على الموضوع

والله عندك حق يا محمد ممكن ده يحصل

ومشكورين يا مصطفي علي التوبك ده