https://love2all.mam9.com
https://love2all.mam9.com
https://love2all.mam9.com
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

https://love2all.mam9.com


 
الرئيسيةالبوابةأحدث الصورالتسجيلدخولشات المنتدي

 

 مقارنه بين الطفل الفافى والطفل البيئه

اذهب الى الأسفل 
3 مشترك
كاتب الموضوعرسالة
ادم وحواء
مشرفة قسم
مشرفة قسم
ادم وحواء


عدد المساهمات : 189
نقاط : 11017
تاريخ التسجيل : 09/10/2009
العمر : 36
الموقع : Alex

مقارنه بين الطفل الفافى والطفل البيئه Empty
مُساهمةموضوع: مقارنه بين الطفل الفافى والطفل البيئه   مقارنه بين الطفل الفافى والطفل البيئه Icon_minitime1الخميس 22 أكتوبر - 22:28

نبدأ بالطفل الفافى الهاى لايف

1- الولد من دول يصحى على صوت الكناري اللي في اوضته
سو سو سو سو
2- يدخل الحمام ياخد شاور ويغسل شعره بشامبو من ايطاليا
ويحط جيل من فرنسا ويغسل سنانه بمعجون سيجنال تو
- بيتفرج على الام بي سي كتيييييييييييير -
3- يطلع من الحمام يلاقي الداده مستنياه بفوطه من حريييييير
وتلاعبه وتهزر معاه بالانجليزي
- الداده معاها دكتوراه من جامعة (اسفخص) في لندن -
4- يخش على اوضته ويفتح الدولاب ويطلع منه هدومه المكويه واللي
ريحة اريال باينه فيها
- اريال نسيم الصباح -
5- يجيب جزمته من الجزامه اللي مليانه جزم وكوتشيهات
تقولش دخلت محل لطفي أو توكيل تمبرلاند
6- ينزل يفطر مع مامي ودادي والفطار كورن فليكس بطعم
الستروبوري او الشوكولاتات
- كورن فيليكس كلووقز مش بسكو مصر -
7- يسلم على مامي ويبوسها بعد ماتكون حطتله( دينار بوكس) بتاعه وفيه
ساندوتشين تشيزبرجر و كيس شيبسي و عصير جهينه او ايزي موزوو
- ايزي مووزو !!!! فاكرين الاعلان ده ؟؟؟ -
8- يسلم على دادي اللي يديله البوكيت موني بالدولار
ميعرفوش حاجه اسمها جنيه طبعا
- جنيه ؟؟؟؟ دي عملة انقرضت من زمااان -
9- يطلع من البيت بعد الداده ماتلبسه الشنطه بتاعة الكتب على ضهره
- بنشوف الشنطه دي مع الخواجات في شرم وبس -
10- يركب الباس بتاع السكول ويشاور (باي باي) للداده ولمامي
ويركب مع زمايله ويغنو بالانجليش او الفرينش
- فريدرو جاكو .... فريدرو جاكو ... هايللبّووه -


الطــــــفل البيــــــئة

1- دييييييييب : اخوه رمى عليه طوبه عشان بقاله ساعتين بيصحي فيه وهو ولا هنا
- طبعا مقضيها صرمحه في الشارع للفجر -
2- العيال دي متعرفش اختراع اسمه (غسيل الوش بعد ما تقوم من النوم)
هم شوية خناق مع اخواته ويبقى صحصح على الآآآآآآآخر
- بدل تمارين الصباح ... رياضه برضه -
3- طبعا بعد الخناق ده بيبقى جعان تلاقيه بيحوم في الشقه
ويدوّر في المطبخ على اي حاجه انشالله صرصار برضه هاياكله من الجوع
- عشان كده متلاقيش في بيتهم صراصير -
4- بعد ما يحط في بطنه اي حاجه في رغيف
يدور على اي حاجه يلبسها
القميص مرمي تحت السرير
ويقلع اخوه الصغير البنطلون بتاعه وهو نايم
- هدومه كلها مكرمشه ... تقولوش طالعه من بق كلب -
5- طب وبعدين ساعتين بيدور على الجزمه مش عارف رزعها فين
واخوه الكبير خارج من البيت حافي كمان عشان ميقولش انه خدها
افتكر اخيرا انه حاطط فرده منهم فوق الدولاب والتانيه تحت التلاجه !!!!!!
- طبعا ما يعرفش اختراع اسمه الشرابات -
6- دلوقتي معاد حرب كل يوم
: ماما ... انا عايز مصروفي
: مصروف ايه ياااااض انت مش واخد امبارح ولا كل يوم مصروف مصروف
: يعني مافيش اي حاجه ؟؟؟
: في دي ..... دييييب
- ضربتة بالحله على نافوخه -
7- الباشمهندس الصغير ميعرفش فين كتبه ولا كشاكيله اصلا
عشان كده خد اي كتاب موجود في البيت على اي كشكول
- ميعرفش يعني ايه قلم .... غير اللي بياخده على قفاااه -
8- هايروح مدرسته ازاي ؟؟؟ طبعا اي ميكروباص او عربيه نقل وقضيها شعبطة
- ليااااااااااااااااااااااااااااقة -
في طابور المدرسه


الطفل الفافي الهاي لايف
1- العيال كلهم واقفين في صفوف شكلها يفرح ده غير ريحتهم اللي زى الفل
- نضافه رباااااااااني -
2- الطابور كله تمارين ونشاط
- على انغام الدي جي -
3- الاذاعه المدرسيه اخبار من مجلات واشنطون بوست
- وطبعا .... مفيش ترجمه -
4- يغنو النشيد الوطني بقيادة المايسترو سليم سحاب
5- طالعين فصولهم وكأنهم ملايكه أو فراشات وبحماس ونظاااام
- تقريبا ... والله أعلم ... بيحبو مدرستهم .... سبحان الله -


الطفــــــل البيــــــئه
1- داخل المدرسه متأخر وحالته نيله
- اتشعبط في مكروباص شبرا ... ومدرسته اصلا في الحلميه -
2- بعد التذنيب والشتيمه من مدرس الألعاب (حسن أبو شفه)
انضم لباقي زمايله في المعتقل ... سوري ... في المدرسه
ولا واحد منهم فاهم هو فين أصلا ...
- واتضح ان صاحبنا أكتر واحد شيييك فيهم -
3- الأثاحه الملثيه ..... تحريف لكلمة الاذاعة المدرسيه
- تخيلو انتو باقي الأخبار بقى -
4- النشيد الوطني اللي هم بيقولوه .... بتاع دوله مجهوله
ونفسي اعرف ايه هي ؟؟؟
- طبعا على موسيقا آلات النفخ ..... الشيشه -
5- في مرحلة طلوعهم الفصول .... بيختلط الحابل بالنابل
- ياترى انا في فصل ايه النهارده ؟؟؟ -
بعد المدرسه ما تخلص ... بيرجعو على بيوتهم بنفس الاسلوب
ونشوف يومهم عامل ازاي دلوقتي

الطفل الفافي الهاي لايف
1- يرجع من السكول تكون الداده في استقباله وتشيل منه الشنطه
ويغسل وشه ويغير هدومه
- والله العظيم ... وشه انضف من ما كان طالع الصبح أصلا -
2- بعد ما اتشطف يقعد يلعب بلاي ستيشن لحاد ما يعملو الغدا
- الغدا بتاعهم بنشوفه في الأفلام الأمريكاني -
3- هاني ... دينر از ريدي
- السيييم بتاعهم لما يجهز الغدا -
4- بعد الغدا ... يشرب كبايه (اورانج جووس)
وينام ساعه عشان يعرف يذاكر ويحل الهوم وورك

الطـــــفل البييــــــئه
1- أخينا رجع من المعتقل او المدرسه زي مابيقولو عليها
وهدومه كلها مقطعه وعلامات التعذيب على جسمه
- تقولوش جاسوس اسرائيلي اتمسك في حلوان -
2- امه لسه ماخلصتش الغدا
النهارده امه دابحه دكر جبنه بيضه
- واحتمال يكون في فول بالصلصه -
3- ترااااادااترااااااااااااااااااااااااا
- دي اعلان الحرب ... أو الغدا هجووووووووووم -
4- بعد اكلة الفول بالصلصه ومعاه فحلين بصل
عادة ما يعقبها احساس بالضياع
- تنااااااااحه ... فور آيفير -
بعد حالة التناحه او النوم دي ... بيجي وقت الشده

ياترى الحياه معاهم ( الطفل الفافي ، والطفل البييئه ) عامله ازاي ؟؟؟؟



الطفل الفافي الهاي لايف
1- يقوم من النوم على صوت الداده .. الهادي طبعا .. عشان يقوم
يذاكر مع المس (فرانكا) ... المدرّسه اللي جايبنهاله من انجلترا
- نازله مخصوص ....... بالكاتالوج -
2- بعد ما يخلص المذاكره وتحضير دروس تاني يوم
مامته تاخده النادي عشان يلعب رياضه (باسكت او تنس) و احتمال سكواش
مشتركين في نادي المعادي والصيد والشمس
- ده غير سبورتنج في الصيف -
3- يرجع من النادي ياخد دش ويحضر شنطته وينزل يتفرج على شانل تو
- شانل تو بتاعة الام بي سي ... مش بتاعة مصر طبعا -
4- على الساعه 10 يقوم عشان ينام والداده تحكيله حكايه قبل النوم
- سندريللا وسنوو وايت ... مش ابو رجل مسلوخه وامنا الغوله -
5- ينام على صوت الداده وهي بتغنيله اغنيه رومانسيه ... وفي حضنه
الدبدوب اللي جاله في عيد ميلاده
- ملاك نايم يا اخواتي -

الطـــــفل البييـــــئه
1- يفوق من حالة التناحه من الفول والبصل على صوت حد من صحابه
عشان ينزل يلعب كوره شراب في الخرابه اللي جنب الحاره بتاعتهم
- نفس بدايات ابراهيم سعيد -
2- يرجع بيتهم وهو بيجري وهدومه متقطعه ودماغه واخده بتاع تلاتين
قلم على سهوه .... عشان شاط الكوره وكسر القزاز بتاع محل عم سيد البقال
3- اخته جابته عشان يحل الواجب ويذاكر بس مش معاه قلم
قام نزل الشارع عشان يجيب قلم
- آدي دقني لو جاب ولا حتى رجع من أصله -
4- على الساعه 2 الفجر ... باب بيتهم بيخبط .. وامه فتحت الباب
شافت جارهم دماغه متعوره وجايب لها المحروس اللي كان بيلعب حرب بالطوب وفتح دماغه
- تقولش طفل من أطفال الانتفاضه -
5- ساب امه وابوه وهم بيصالحو جارهم وبيبوسو ايده عشان ما يعملوش
محضر واتسحّب المفعوص على المطبخ جاب حتة جبنه وطمطمايه ورغيف معفن
وزوغان على السرير
- بسلامته نايم وهو متلفح بالبطانيه زي مايكون من مطاريد الجبل -
و طبعا تاني يوم هيصحى على نفس النمط و يمكن أسوأ
هوه فيه كده فعلا
يا سلااااااام لو الطفل الفافى يتبنانى شويه
cheers
الرجوع الى أعلى الصفحة اذهب الى الأسفل
الزملكاوي
صديق متميز
صديق متميز
الزملكاوي


عدد المساهمات : 99
نقاط : 10910
تاريخ التسجيل : 09/10/2009
العمر : 29
الموقع : GIZA

مقارنه بين الطفل الفافى والطفل البيئه Empty
مُساهمةموضوع: رد: مقارنه بين الطفل الفافى والطفل البيئه   مقارنه بين الطفل الفافى والطفل البيئه Icon_minitime1الجمعة 23 أكتوبر - 13:52

ه
هه
ههه
هههه
ههههه
هههههه
ههههههه
هههههههه
ههههههههه
هههههههههه
ههههههههههه
هههههههههههه
ههههههههههههه
هههههههههههههه
ههههههههههههههه
هههههههههههههههه
ههههههههههههههههه
هههههههههههههههههه
ههههههههههههههههههه
هههههههههههههههههههه
ههههههههههههههههههههه
هههههههههههههههههههه
ههههههههههههههههههه
هههههههههههههههههه
ههههههههههههههههه
هههههههههههههههه
ههههههههههههههه
هههههههههههههه
ههههههههههههه
هههههههههههه
ههههههههههه
هههههههههه
ههههههههه
هههههههه
ههههههه
هههههه
ههههه
هههه
ههه
هه
ه
يا مشكلة والله انت مشكلة
ايه ده
ده انت مالكيش حل
الرجوع الى أعلى الصفحة اذهب الى الأسفل
https://love2all.mam9.com
ادم وحواء
مشرفة قسم
مشرفة قسم
ادم وحواء


عدد المساهمات : 189
نقاط : 11017
تاريخ التسجيل : 09/10/2009
العمر : 36
الموقع : Alex

مقارنه بين الطفل الفافى والطفل البيئه Empty
مُساهمةموضوع: رد: مقارنه بين الطفل الفافى والطفل البيئه   مقارنه بين الطفل الفافى والطفل البيئه Icon_minitime1الجمعة 23 أكتوبر - 18:09

مرسسسسسسسسسى يا ابو عبييييييد يا قمر
انت اللى عسل ومشكله بردو
مقارنه بين الطفل الفافى والطفل البيئه Image-340f63340f
الرجوع الى أعلى الصفحة اذهب الى الأسفل
احلام الفتى الطائش
صديق نشيط
صديق نشيط
avatar


عدد المساهمات : 46
نقاط : 10752
تاريخ التسجيل : 09/10/2009
العمر : 34
الموقع : محافظة المنوفيه

مقارنه بين الطفل الفافى والطفل البيئه Empty
مُساهمةموضوع: رد: مقارنه بين الطفل الفافى والطفل البيئه   مقارنه بين الطفل الفافى والطفل البيئه Icon_minitime1الخميس 3 ديسمبر - 17:37

هههههههههههههههههههه توبيك جااااااااااااااااامد جدا ...... شكرا يا إيناس مجهود رائع فعلا مقارنه بين الطفل الفافى والطفل البيئه Icon_biggrin
الرجوع الى أعلى الصفحة اذهب الى الأسفل
 
مقارنه بين الطفل الفافى والطفل البيئه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
https://love2all.mam9.com :: المنتديات العامه :: منتدي النكت والفرفشه-
انتقل الى: